ꊿꄁꃰꐺꑠꂷꉪꁏꄺꀱ

    ꁮꅉ《ꊿꄁꃰꐺꑠꂷꉪꁏꄺꀱ》ꄷꋋꂷꆹ《ꌃꎔꏂꀨ》ꈐꏭꅑꂷꉬ，ꑳꌠꊿꉗꊿꂘꄮꇬꌧꉹꁌꋍꏅꇰꌠ。ꁮꅉꈐꏭꌺꆿꏓꋋꂷꀱꑲꇬꇁꄮꇬ，ꀉꄉꂶꇴꇨꇅꀋꃃ，ꄷꀋꁧꆏ，ꋌꇿꐯꇿ。

    ꉪꋧꃅꃰꊿꋋꈨꑌ，ꄚꌺꄁꃰꐺꋋꂷꌡ，ꈍꃅꄉꈩꌒꀜꌒ，ꐥꌒꄻꌒꌠꀉꄂꎹꈹꐺ，ꊨꏦꑽꃤꄸꃤꑠꆏꀋꉪꀋꈾ。ꄚ，ꉪꊇꑠꃅꐙꑴꇬ，ꉪꂿꃅꀿꃀꏃꃅꌋꋋꂷꆹ，ꄚꁮꅉꈐꏭꀉꄉꂶꌠꌺꇁꉚꌠꌡꃅ，ꋍꉪꋧꃅꃰꊿꉂꐛꉚ，ꅉꀕꃅꉪꉪꁏꄺꀱꄉꀱꋍꄷꇁꑟꉂ。ꑠꅹ，ꉪꊈꈀꄸꑌꀀꊨꏦꆹꊿꑽꃤꐤꂷꉬꑴꄷ，ꀋꂁꀋꁿꃅꉉꏃꃅꌋꇰꑲꆀ，ꏃꃅꌋꁳꉪꑽꃤꄻꉪꏆꄉ，ꇁꋌꈽꐥꉆꎻ。

    ꑳꌠꄹꇬ：“ꉡꆹꈝꃀ，ꉡꆹꇗꅉꃶꐚꌠ，ꉡꆹꀑꇬꉬ；ꊿꉠꇇꄧꀋꈴꑲꆏ，ꉠꀉꄉꄷꆹꄎꌠꀋꐥ。”ꄷ（ꒀꉴꌐꅇ14：6），《ꌃꎔꏂꀨ》ꇬꑌ：“ꅽꈂꀸꆏꑳꌠꆹꌋꉬꄷꉉꏚ，ꉌꃀꇬꑌꏃꃅꌋꋌꁳꌦꈬꇬꄉꀱꐥꇁꎻꌠꑇꑲꆏ，ꆎꆹꀋꎪꃅꈭꋏꊌꌠꉬ。”ꃅꅑ（ꇊꂷꄯꒉ10：9）。ꑠꅹ，ꉪꊇꈀꄸꑌꑳꌠꑇꄉ，ꀑꇬꀊꏀꑠꂷꊌꅊꇈ。